«Гербер Фэшн» нимо вожвылъяськон ялэмын этно-дизайнеръёс но модельеръёс понна

Вормисьёслэсь коллекциоссэс удмуртъёслэн «Гербер» праздниказы возьматозы. Вожвылъяськонэ пыриськыны быгато али кутскись дизайнеръёс но, зэмос ӧнерчиос но

 Вань пыриськисьёс кык группалы люкемын луозы: нырысетӥ группаын школаын дышетскисьёс, студентъёс но профильной дышетсконниосты йылпумъям муртъёс пырозы, нош кыкетӥ группае — али ужась модельеръёс.
Пыриськисьёслэн азязы тунсыко ужпум сылэ- этнической шӧмо туала калык дӥсез жюрилы возьматыны.
Со сяна, пыриськисьёс этнической костюмъёс, огшоры нуналэ ветлон дӥсь но сцена вылэ потон дӥсь кылдытыны быгато.

Конкурсэ пыриськон понна радъясьёслы дась коллекциосын туспуктэмъёс но видеоос келяно. Материалъёсты 30-тӥ куартолэзёзь учкозы-быръёзы.

туспуктэм — Григорий Степанов