Геннадий Корепанов-Камскийлы сӥзем кырӟанъя флешмоб ялэмын

    Геннадий корепанов-камскийлы сӥзем кырӟанъя флешмоб ялэмын 1

    Флешмоб улсын Геннадий Корепанов-Камскийлэсь кырӟанъёссэ быдэстыны кулэ. Со сярысь Тыловайысь лулчеберетъя юртлэн «ВКонтакте» мерлыко вотэсысь огиназ ивортэмын.

    Ужрадэ вань мылкыд карисьёс пыриськыны быгато. Радъясьёслэн ӵектэмзыя, кырӟамез видеое гожтоно, сое «ВКонтакте» мерлыко вотэсысь ас бамады пуктоно, видео борды одно ик флешмоблэсь #ЭнвунэтэКырзанъесме#НезабывайтеМоиПесни #КорепановКамский хэштэгъёссэ ватсано.

    Берло вань быдэстэм ужъёсты Тыловай лулчеберетъя юртлэн «ВКонтакте» бамаз огазеялозы но куара сётон радъямын луоз. Вормисьёсты синпель кузьымъёсын пусъёзы. Ужрадэ мукет пыриськисьёс но сертификатъёс басьтозы.

    Кырӟанъя флешмоб 14-тӥ гудырикошконозь кыстӥськоз.