Геннадий Корепанов-Камскиез буре ваён ӝыт ортчоз Сарапулын

    Геннадий корепанов-камскиез буре ваён ӝыт ортчоз сарапулын 1

    Ӝытэ люкаськем куноосты крезьгурчилэн улон сюресэныз но творчествоеныз тодматозы. Удмурт кырӟанъя «Вуюись» ансамбль Геннадий Корепанов-Камскийлэсь кырӟанъёссэ быдэстоз. Со сяна эктонъя «Радость» образцовой калык коллектив шулдыртоз.

    Крезьгурчилы сӥзем ӝытэз Сарапулысь «Удмурт кенеш» огазеяськонысь азьветлӥсьёс, «Электрон» лулчеберетъя дворецысь но «Библиотека солнечная» лыдӟетъюртысь ӧнерчиос дасяло.

    Ужрад 17 часын кутскоз, пыронэз дунтэк.

    ВАТСАН

    Геннадий Корепанов-Камский Удмуртиын профессиональной крезьгурлы кутскон сётӥсьёс пӧлысь одӥгез. Вордӥськиз 1929-тӥ арын 18-тӥ гудырикошконэ али Дэбес ёросысь Ягвуково гуртын. Ас понназ балалайкаен, гитараен, баянэн шудыны дышиз. Москваысь П. И. Чайковский нимо консерваториын, Казаньысь консерваториын дышетскиз. Удмуртиысь крезьгурчиослэсь огазеяськонзэс кылдытон бордын тыршиз, солэн нырысетӥ тӧроез вал. «Любушка» оперетталэн (1959-тӥ ар), «Италмас» балетлэн (1961-тӥ ар), «Чипчирган» опера-балетлэн (1963-тӥ ар) но мукет ужъёслэн авторзы луэ.

    https://udmurt.media/udm/news/kultura-i-turizm/54564/