Фольклоръя «Гуждор» улосвылкуспо нылпи праздник Юкаменск ёросын квест-шудонысен кутскоз

Фольклоръя нылпи коллективъёс мунёен герӟаськем йылолъёсты возьматозы. Озьы ик фестиваль улсын нылпиослэн киужъёсынызы адӟытон ужалоз. Мунёос йӧскалык сямъёсъя лэсьтэмын луыны кулэ.

«Гуждор» нылпи фестиваль Удмуртиын улӥсь калыкъёслэсь йӧскалык шудонъёссэс но ваньмон дырзэс ортчытон сямъёссэс улӟытон но калык лулчеберетэ пиналъёсты кыскон вылысь радъяське.

Кызьы вераз Юкаменск ёросысь туризмъя ёзэтлэн кивалтӥсез Марина Фёдорова, «Гуждор» фестиваль квест-шудонысен кутскоз. Йӧскалык кырӟанъя нылпи коллективъёсты Муромысь Пётрлы но Феврониялы сӥзем ужрадэн пумиталозы, собере гинэ кырӟанъя вожвылъяськон радъяськоз.

Со пусйиз, «Тылыс» шутэтскон база — со аспӧртэм инты, кытын Муромысь Пётрлы но Феврониялы сӥзем купель но часовня вань. Отын ик 30 пала ошмесъёс бызё.

«Нырысь ик ми соосты (нылпи коллективъёсты — ред.) квест-шудонэн пумиталом, нимаське со «От Петра до Февронии Муромских». Нырысь ик картая соос шудонэз ортчозы, собере табань пыжонъя мастер-классэ пыриськозы. Собере ини луоз фестивальлэн усьтонэз», – шуэ Марина Фёдорова.

Солэн кылъёсызъя, туннэ нуналлы Удмуртиысь фольклоръя 13 нылпи коллектив фестивале пыриськыны куриськон сётӥз ни. Озьы ик радъясьёс Пермь но Киров улосвылысь нылпи коллективъёсты ӧтизы, но али тодмо ӧвӧл на, лыктозы-а соос «Гуждоре».

Со сяна, празднике ёросысь гужем лагерьёсысь 150 пала пиналъёсты витё. Соос понна аквагримен но шудонъёсын нимысьтыз программа чакламын. Кырӟанъя фестивале соос учкисьёс сямен пыриськозы.

https://udmurt.media/udm/news/kultura-i-turizm/37208/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий