Фольклор коллективъёс но фермеръёс люкаськозы Мултан ярмаркае Кизнер ёросэ

Ужрадлэн ужпумез – Вуж Мултанлэсь историяя но лулчеберетъя йылолъёссэ утён. Праздниклэн тодметэз – Муш мумы.

Ярмаркаын пӧртэм площадкаос ужалозы: крезьгуро, шудон, нылпиослы, спортъя, творчествоя. Удмуртиысь фольклор коллективъёс концерт возьматозы, нош творчествоя площадкаын чеберлыко киужъёс лэсьтыны дышетозы.

Фермеръёс понна нимысьтыз вожвылъяськон ортчоз. Отчы пыриськисьёслэсь вузъёссэс, дӥськутсылэсь ярмаркалы тупамзэ, вузъёссэс ӵектыны быгатэмзэ дунъялозы. Вормисьёсты кузьымъёсын пусъёзы.

Ужрад «Милемын ӵош» этнодискотекаен йылпумъяськоз.

Короленко черкогурт «Мултан ужен» тодмо. 1892-тӥ арын отын улӥсь 10 муртэ адямиез курбон сётэмен янгыше уськытӥзы. Судын куинь эскеронъёс бере янгыш каремъёс шонере поттэмын вал. Соосты утьыны басьтӥськиз гожъясь Владимир Галактионович Короленко. Солы тау карыса, 1939-тӥ арын черкогуртлы гожъясьлэсь нимзэ сётӥзы.

«Мултан ярмаркалэн» радлыкез:

09:00-10:30 – Успенско-Богородицской черкын вӧсяськон (мылкыд карисьёс понна);

10:00-11:00 – ярмаркае пыриськисьёс лыктозы, экспозициосты интыялозы;

11:30-12:00 – делегациосты но куноосты пумитан;

11:00-12:00; 14:00-16:00 – площадкаослэн ужанзы;

12:00-13:00 – ярмаркаез сӥё-дано усьтон;

13:00-13:30 – «Медовые забавы» шудон программа;

13:30-14:00 – ярмаркалы йылпумъянъёс лэсьтон, вормисьёсты пусъён;

16:00 – «Миемын ӵош» этнодискотека.

Татын ик 14 часын Удмуртиысь клубъёслэн «Питыран» элькун вожвылъяськонзы радъяськоз.

https://udmurt.media/udm/news/kultura-i-turizm/40554/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий