«Финн-угор транзит: семья йылолъёс» фестиваль

    Фестиваль кӧня ке интыосын радъяське. Усьтӥськиз со Мордовиын. Собере Марий Элэ, Удмуртие но Башкирие вуэ. Отчы пырисько усточи семьяос. Соос возьматыны кулэ финн-угор но самодий калык лулчеберетэз.

    21-тӥ коньывуонэ Ижкарысь нылпи творчествоя Элькун юртын соосын гала-концерт ортчоз. Отын кырӟалозы но эктозы Удмуртиысь «Пельгаос», «Шундыгур», «Бесерман гуръёс» ансамбльёс, Мордваысь «Вастома» но Марий Элысь «Акарт» коллективъёс. Отын ик калык творчествоя мастер-классъёс луозы, калык киужъёсын адӟытон, финн-угор калыкъёс сярысь фильм возьматон но мерлыко огазеяськонъёсын пумиськонъёс.