Финн-угор калыкъёслэн лулчеберетъя шоркарзылэн пусэз пор кунэ выжиз  

Туэ “Культурная столица финно-угорских народов” программалэн 5-тӥез шоркарез Марий Элысь Мокрин ёросысь Шоруньжа гурт быръемын.

Ужрадэ Россиысь финн-угор улосвылъёсысь но Эстониысь делегациос пыриськизы.

Бурдо тылобурдоез – финн-угор калыкъёслэсь лулчеберетъя шоркарзылэсь пуссэ –  Шоруньжа гурт поселенилэн тӧроезлы Иван Евсеевлы сётӥз Шаркан ёросысь Вуж Быги гуртысь удмурт лулчеберетъя центрлэн кивалтӥсез Жанна Ермолаева.

Финн-угор калыкъёслэн лулчеберетъя выль шоркаразы – Шоруньжа гуртын – шулдыръяськон ужрадъёс 12-тӥ толшоре ортчизы.

Программаез сиё-дано усьтэм но концерт бере куноос “Старинная марийская усадьба” нимо музей комплексэ экскурсие вуылӥзы. Отын 19-тӥ даурын вожодыре нылъёслэн юондырзылы сӥзем экспозициез учкизы. Озьы ик люкаськемъёс “Шорыкйол” праздник улсын додьые кыткем валъёсын ворттылӥзы, портмаськыса коркась корка ветлӥзы, тунаськизы.

Ужрад йылпумъяськиз Шоруньжа гуртысь лулчеберетъя юртын “Марий кас” шулдыръяськонэн.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий