Фин-угор чеберай луиз Марий Элысь Светлана Давыдова

Конкурсэ лыктэм нылъёс 4 нунал ӵоже пӧртэм занятиосы, мастер-классъёсы, репетициосы ветлӥзы, пыриськизы фотосессиосы, пресс-конференцие.

Нош вожвылъяськон ортчиз 29-тӥ куарусёнэ, со кутскиз эктон бордысен. Сцена вылэ потӥзы вань вожвылъяськись нылъёс: Карелиысь, Мордовиысь, Марий Элысь, Ханты-Мансийск автономной округысь, Удмуртиысь, кык нылъёс Комиысь.

— Туннэ жюрилы капчи уз луы бырйыны устозэ нылэз, угось котькудӥз яркыт, быгатӥсь, — шуиз Комиысь нациосын ужанъя министрлэсь ужзэ быдэсъясь Галина Габушева.

Ӝыт ӵоже чеберайёс потазы учкисьёс азе калык дӥсенызы, возьматӥзы визиткаоссэс, валэктӥзы визьсынанлэн юанъёсызлы, мадизы легендаосысьтызы геройёс сярысь, тодматӥзы йӧскалык шудонъёсынызы, кырӟазы но эктӥзы.

Вожвылъяськон мыныку ик, вотэсын нимаз куара сётон ортчытэмын вал. Отчы пыриськиз 14 сюрслэсь уно мурт, но тужгес трос куара люказ Ханты-Мансийск автономной округысь Виктория Костылева. Озьы ик со вормиз «Мисс творчество» номинациын. «Мисс элегантность» нимын пусйизы Комиысь Александра Ногиеваез, Комиысь ик Диана Сенькинаез — «Мисс артистичность» нимын. Карелиысь Анастасия Юнтунен вормиз «Мисс обаяние» номинациын, Мордовиысь Елена Воронина — «Мисс интеллект», со ик луиз на «Вице-мисс студенчества финно-угрии — 2017». Удмурт нылаш, Глазов пединститутын дышетскись Лия Стрелкова, пусъемын «Мисс дружба» номинациын.

— Мон чеберлыкъя вожвылъяськонэ нырысьсэ пыриськи. Конкурсъёсыз капчиесь ӧз потэ, но тужгес кышкай дефилелэсь, — вера мылкыдзэ Лия Стрелкова. — Ярам ай, милемын котьку вал радъясьёс, соос ялан юрттӥзы, буйгатъязы. Со понна соослы бадӟым тау, озьы ик бадӟым тау институтэлэн ректорезлы Яна Александровна Чиговская-Назаровалы оскемез но юрттэмез понна.

Конкурс бере со шуиз:

— Мон татчы вормон понна гинэ лыктӥ. Лэсьтӥ ваньзэ ӟеч, угось ачим понна гинэ кыл ӧй куты, быдэс калыке понна. Монэн ӵош вал университетэ, эшъёсы, ӵыжы-выжыосы, соос оскизы мыным. Мон понна та вожвылъяськон — нырысь ик асме, кышканме вормон.

http://udmdunne.ru/2017/10/fin-ugor-cheberajj-luiz-marijj-ehlys-svetlana-davydova/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий