Фехтованиея «Серебряная шпага» калыккуспо фестивале пыриськозы Удмуртиысь егитъёс

    Фехтованиея «серебряная шпага» калыккуспо фестивале пыриськозы удмуртиысь егитъёс 1

    Сцена вылын нюръяськон техникаез сяна, жюри фехтовальщикъёслэсь артист устолыксэс, дӥськутэс, возьматонлэсь пуштроссэ дунъялоз.

    Фестивале одӥгез пыриськисьлэн Максим Григорьевлэн верамезъя, соос кык номер дасяло. Нырысетӥез удмурт кылын — капчи мылкыдо, маскара. Нимаське «Пумиськон». Кыкетӥез — йӧнлы, «Сатисфакция» тодмо сериал вылын пуктэмын, со XIX даурысь дуэль сямъёсты возьматэ. Нырысетӥ номерын секытэз трюкъёс бордын, кыкетӥяз — ӵошен фехтовать каронын.

    Фестивале Удмуртиысь мынозы Максим Григорьев, Иван Плотников, Роман Болтачев но Вадим Дмитриев. 2013-тӥ арын, Щепкин нимо вылӥ театр училищеын дышетскыкузы, соос «За лучшее исполнение боя» номинациын вормизы. 2015-тӥ арын Россиысь театр искусствоя институтлэн (ГИТИС) кивалтӥсезлэсь нимысьтыз кузьымзэ басьтӥзы. Со сяна, 2013-тӥ арын Максим Григорьев, Иван Плотников но Роман Болтачев артистической фехтованиея Россилэн чемпионатаз вормизы.

    //udmurt.media/udm/news/kultura/18333/