Еврейёс Ту би Шватэз пусйёзы
![Еврейёс ту би шватэз пусйёзы 1](https://udmddn.ru/wp-content/uploads/2017/02/exact_600x280_-98.jpg)
Ту би Шват котькуд ар Шват толэзьлэн 15-тӥ нуналаз ортче. Соку писпуослэн сурсвузы берганы кутске, озьыен инкуазь тол кӧлэмысь сайка. Со возьматэ тулыс матэктэмез.
Праздник нуналэ Израильын будӥсь вань емышъёсын кунояськыны кулэ, — со чабей, йыды, виноград, инжир, гранат, маслина но финик. Ӝӧк сьӧрын инмарлы та нуналлы тупась кылъёсын вазисько — писпуослы будыны но трос емыш сётыны куриськонэн.