Этногафияя Бадӟым диктантлы йылпумъянъёс лэсьтэмын
Тужгес но трос площадкаос Удмуртиын ужазы. Соос 72 вал. Нош диктантэ пыриськисьёслэн лыдзыя Элькунмес азьпалтиз Оренбург улос. Туннэ ортчем акци сярысь ӟеч дунъет лыктэ котькуд улосвылысь. Со ужрадлэсь кулэлыксэ возьматэ — пусйиз министр. Соин ӵош шугъяськытэ мукетыз — 100 балл пӧлысь тросэз жынызэ гинэ люканы быгатизы.
Диктантлэн йылпумъянъёсыз возьматӥзы — тужгес секыт юанъёс йӧтизы кылъёсъя, нимаз выжы калыкъёслы гинэ тупась уж удысъёссыя но йылолъёссыя. Россиын улисьёс ӟеч тодо ас улоссэс. Но уг тунсыкъясько мукетъёсыныз.
«Бадӟым этнодиктантлэн йылпумъянъёсыз Россиысь дышетонъя министерствое келямын луозы, — шуиз Лариса БУранова. — Министерствое озьы ик кошкозы огъям ӵектонъёс но. Соос пӧлын — школаосын этнографияя кружокъёс, факультативъёс кылдытон, ВУЗ-ёсын — нимысьтыз курсъёсты пыртон.