«ЭтноЭко» акустика концерт ортчоз Ижкарын 10-тӥ оштолэзе

Крезьгуро ӝытын сяме пырем арбериос, удмурт но ӟуч крезьгуръёс, Ижкар но Удмуртия сярысь кылбуръёс чузъяськозы.

Калык крезьгуръя камерной концерт учкисьёслы инкуазьлэн чеберез сярысь тодэ вайытыны но калыклэсь саклыксэ экологи ужпумъёс пала кыскыны кулэ. Артистъёс микрофонъёстэк но ӧжыт гинэ тылъёсты уже кутыса кырӟалозы, озьы соос инкуазез утёнлэсь кулэлыксэ возьматозы.

Сцена вылэ «Азвесям» трио, Ижкарысь но Воткаысь крезен шудӥсьёс, «Чипчирган» ансамбль, Катерина Кенjали, Ижкарысь кылбурчиос Ирина Кадочникова, Аида Фаттахова, Елена Каракулова но мукетъёсыз потозы.

«ЭтноЭко» Калык творчествоя элькун юртлэн крезьгуръя но инкуазез утёнъя ӵектосэз. Со карысь инкуазез утён удысысь азьветлӥсьёсын ӵош кыкетӥ арзэ радъяське ини. Туэ ужрадлэн юрттӥсез ӟечлэсьтонъя «БлагоДарю» вузкаронни луоз. Учкисьёс сьӧразы кулэтэм ӟустариоссэс но ӟеч уж лэсьтон понна дӥсьёссэс кутыны быгато.

Ужрад 18 час 30 минутэ кутскоз. Пыронэз дунын.

https://udmurt.media/udm/news/kultura-i-turizm/53672/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий