Этно-мода возьматӥзы Горданьёслэн фестивалязы
![Этно-мода возьматӥзы горданьёслэн фестивалязы 1](https://udmddn.ru/wp-content/uploads/2022/09/ryzhiy-festival.jpg)
10-тӥ куарусёнэ Ижкарысь Космонавтъёслэн парказы «Рыжий фестиваль» ортчиз. Татын «Удмурт Кенеш» огазеяськонлэн но площадкаосыз ужазы.
Эшъяськон садысь «Валче» сэрегын «Ми будӥськом валче» проект улсын вань мылкыд карисьёс понна удмурт мунё-оберег лэсьтонъя но перепеч чебер кутыны дышетсконъя мастер-классъёс радъямын вал. Киужен вырисьёслы мылкыд сётыса кырӟазы «Инвожо» ансамбльысь артистъёс.
Эшшо одӥгез «Горд берекет» нимо сэрег ужаз пичи сцена вылын. Лыктэм куноос удмурт дэремъёсын тодматскизы. Этно-дӥськутэн пӧрмытскем модалиос куспын конкурс ортчиз. Татын ик, «Кырӟась арама» площадкаын, люкаськемъёсты шулдыртӥзы мусо пичыльтыкъёс.
Мастер-классэ но вожвылъяськонэ пыриськемъёслы синпелет кузьымъёс кузьмамын вал.