Эшъяськон юртын « Бадӟым этнографияя диктантэз» радъянъя семинар ортчиз

    Эшъяськон юртын « бадӟым этнографияя диктантэз» радъянъя семинар ортчиз 1

    Тодады вайытом, Россиын этнодиктантэз гожтозы 2-тӥ шуркынмонэ. Мылкыд карисьёс 30 юанъёсъя тодон-валанзэс чаклалозы. Соос пӧлысь 10-эз улослэн историеныз, лулучеберетэныз, сям-йылолъёсыныз герӟаськемын.

    Кылем арын Россын 400 сюрс улӥсьёс диктант гожтӥзы. 9 сюрсэз — Удмуртиын. Жаляса верано, 30 юанъёс пӧлысь тросэз ӝыныезлы но шонер валэктон сётыны ӧз быгатэ.

    Юанъёслы валэктон сётозы нимысьтыз радъям площадкаосын.
    Тодмо ини, Ижкарын 26, нош ёросъёсын 175 интыос усьтэмын луозы.

    «http://miretno.ru/  сайтысь луоз плащадкаослэсь адресъёссэс учкыны, нош кин ӧз быгаты лыктыны, соос быгатозы ортчыны онлайн-тестированиез быдэс нунал куспын. Онлайнт-тестированиез ортчыку, результатъёс соку ик потозы, нош площадкаосын  ӵуказеяз тодмо луозы», — вера « Бадӟым этнографияя диктантъя» координаторлэн юрттӥсез Любовь Широбокова.

    Ватсаса. Туэ этнодиктантъя ӵектос Президент фондысь грант утӥз. Сое радъяны миллион но ӝыны манет уксё висъямын.

    http://www.myudm.ru/