Эрик Батуев нимо премилэн лауреатъёсыз йылӥзы

Эрик Батуев — дано кылбурчи, прозаик но журналист. 28 ар талэсь азьло, 33 арес тырмытэк, улонысь кошкиз. Эрик Батуев Дэри ёросын вордӥськемын. 13-тӥ арзэ ини солэн нимыныз та ёросын вордӥськем адямиосты премиен пусъё.

«Эрик Батуев нимо премиез сётоно мурлы милям куронмы сыӵе — трос аръёс ӵоже мерлыко уж нуыны кулэ, уж емышо, пайдаё луыны кулэ. Лауреатъёс пӧлын вань дышетӥсьёс, библиотекаръёс, ветеранъёс, пӧлазы гурт поселенилэн тӧроез но», — вера Дэри ёросысь «Удмурт кенеш» огазеяськонлэн кивалтӥсез Лидия Биянова.

Туэ та премиез утӥз Дэри шор-ёзо школаысь удмурт кылъя но литературая дышетӥсь Ангелина Байсарова. Со 40 ар ӵоже ужа ини дышетсконниын, музеен кивалтэ. 13-тӥ арзэ «Шундыберган» нимо пректсэ азинтэ. Кылем арын нылпиосын «Виртуальной школа музей» ӵектос усьтӥзы. Музейзы 3 кылын ужа — удмурт, ӟуч но англи.

«Трос кужымме сётӥсько удмурт кылэз дышетонлы, сое азинтонлы, — шуэ Ангелина Байсарова. — Эрик Бауевлэн нимо премия сётэ кыӵе ке но оскон азьланезлы, оскон выль азинсконъёс басьтыны.

Премилэн быдӟалаез 5 сюрс манет. «Но татын валтӥсез ачиз ним, — верало радъясьёс. — Эрик Батуевлэн нимзэ мед кылозы но мед тодозы егитъёс».

http://www.myudm.ru/