«Емыш-fest» празднике Грак ёросэ 600-лэсь ятыр куно возьмало
Грак ёросысь лулчеберетъя «Лидер» юртысь ӧнерчи Надежда Лебедевалэн кылъёсызъя, «Емыш-fest» праздник котькуд ар ёросъёсысь пӧртэм гуртъёсын ортче. Котьку сямен ик, шулдыръяськонын емышъёсын но бакча сиёнъёсын адӟытон радъяськоз, ёросысь фольклоръя коллективъёс концерт возьматозы, нош куноосты выль ӝукен сюдозы. Озьы ик сямлы пӧрмемын ни арганчиослэн фестивальзы. Таяз арын ужрадэ Гракысь сяна, Дэбес ёросысь крезьгурчи но пыриськоз.
Ӧнерчи верамъя, туэ праздникын егит семьяос пӧлын вожвылъяськон ортчоз. Нош спортэз яратӥсьёс пӧрмытскыса «Чиполинобол» шудонын ӵошатскыны быгатозы.
«Костюмированной «Чиполинобол» луоз. Футбол пормагес, но соослэн котькуд командалэн аслаз костюмез луоз. Маскара со луоз», — шуэ Надежда Лебедева.
Со пусъе, Сюлоныр гуртын улӥсьёс Быдӟым Атыкай ожын быремъёслы синпелетсэс гажало но туж умой утялто. «Виль» дыръя но гуртоослэн ожгарчиосты буре ваемзы потӥз, соин ик та нуналэ ужрадэ пыриськисьёс синпелет доры сяська понозы.
Тодэ вайытом, 2-тӥ гудырикошконэ Ижкарын выль емышлы сӥзем «Виль» удмурт йӧскалык праздникез пусъёзы. Нош Киров улосвылысь удмуртъёс «Выль ӝук» ужрадын 4-тӥ гудырикошконэ шулдыръяськозы.