«Эмылиослэн» эшъяськонзы паськыта

    «эмылиослэн» эшъяськонзы паськыта 1

    Можгаысь «Эмыли» удмурт калык ансамбль азьланьтэ «Этно-проект Москва»-лэн ужрадъёсаз пыриськонзэ. Таяз радэ со удмурт кырӟанъёсын но лулчеберетэн пӧртэм выжы калыкъёсты Белоруссиысь Посольстволэн юртаз тодматӥз.

    24-тӥ южтолэзе бадӟым концертэ пыриськизы Россиысь но азьвыл Совето Союзэ пырись кунъёсысь артистъёс.

    Проектлэн кылдэм дырысьтыз удмурт лулчеберет понна кыл кутэ Можгаысь «Октябрь» культурая юртысь «Эмыли» ансамбль. Соин кивалтӥсьёс Владимир но Наталия Перевощиковъёс но коллективе пыриськисьёс быдэстӥзы удмурт калык кырӟанъёсты, шулдыртӥзы люкаськемъёсты калык эктонъёсын.