Элькунын бесерман кылэз дышетон курсъёс усьтэмын

Туннэ бырон калэ вуэм бесерман кылэз дышето нылпиос. Курсъёс усьтӥськемын «Колёса питран» ӵектос улсын. Вортчаысь культурая юрт грант утӥиз. Со улсын быдэс ар ӵоже ини гуртоос бесерман калык сям-йылолъёсъя спектакльёс пуктыло. Мыло-кыдо пырисько возьматонъёсы пиналъёс но. Соин ик кылэз дышетон курсъёсты усьтоно луизы. Уж борды школаысьтызы ик дышетӥсь басьтӥськиз. Бесерман кылэз дышетонъя аслэсьтыз программазэ кылдытӥз.

«Пиналъёс кыл но дышето, мунё театразы со кылзэс волято но. Собере сцена вылын возьмато спектакльзэс. Проектъя кылэз дышетыны 80 час висъямын, со 40 урок луэ. Ужмы пӧрмиз ке, ми кызьы ке но сое азьпалтыны но, оло, быгатом. Малпанамы бесерман кыл дышетонъя программаез мукет школаосы но пыртыны», — шуэ Удмуртиысь бесерманъёслэн огазеяськонзылэн тӧроез Сергей Антуганов.