Элькуновиденилы дасяськон мынэ

Ужрад “Евровидение” конкурс сямен радъяське – котькуд ёрос отчы одӥг гинэ кырӟасез келяны быгатэ. Удмуртиысь сяна, бускель улосъёсысь но артистъёс пыриськыны быгато – ваньмыз понна одӥг кадь куронъёс пуктэмын.

«Элькуновидение» пыриськон вылысь дасяно азьвыл «Мынам Удмуртие» радио пыр чузъяськымтэ кырӟанэз. Сое быдэстӥсь, кылъёслэн но крезьгурлэн авторзы одӥг ёросын вордскемын луыны кулэ. Озьы “Элькуновидение” ёросъёс куспын творчествоя вожвылъяськонлы пӧрме. Конкурсэ пыриськись котькуд артист вормисьёс радэ уг поты ке но,  кырӟанэз “Мынам Удмуртие” радиолэн фонотекаяз пырыны быгатэ.

Глаз ёрос но кар Элькуновидение вожвылъяськонлы дасясько. Культурая управление ёросысь кылбурчиосын но крезьгурчиосын пумиськон радъяз. Вераськон мыниз конкурсэ поттыны луоно кырзанъёс пумысен.

«Элькуновидение сюремлэсь азьвыл ёросысь но карысь кырзан гожъясьес но соосты быдэстисьес асьсэ куспын вожвылъяськоно луозы, – вера «Удмурт кенешлэн» Глазовысь езэзлэн кивалтисезлэн воштисез Антонида Бёрдова. – 22-ти куарусёнэ ёросын радъяськоз «Дондыдор крезьгур» конкурс. Отын вормисе потэмъес ик ёрослэсь но карлэсь данзэс утёзы».

http://www.myudm.ru/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий