Элькунмы сьӧрын улӥсь удмуртъёс сярысь гожъясь СМИ кулэ

«Удмуртъёс Удмуртиын уло, соослэн иворъёссы шараясько элькун пушкын. Соин валче элькун сьӧрын но туж трос удмуртъёс уло шуыса вунэтоно ӧвӧл. Татарстан Элькунын ик 23 сюрс удмуртъёс уло. Соослэн но озьы ик улонзы ортче, кыӵе ке но ужрадъёс ортчо. Со нокытын уг шараяськы», — шуиз Павел Александров.

Казаньысь удмуртъёслэн йӧскалык лулчеберетъя автономиенызы кивалтӥсь верамъя, соос доры «Удмурт дунне» вуылыку, песянаез газетэз туж лякыт возе вал. Но Татарстанын удмурт газет дуно луэмен, гожтӥськыны луонлык быриз.

Та вакытэ Татарстан Элькунлэн ёросъёсаз улӥсь удмуртъёс нимаз газет поттыны туртто. Павел Александров малпамъя, Удмуртиын кема ужась газетъёс вань бере, выль СМИ кылдытон кулэлык ӧвӧл. Удмурт газетъёсы элькун сьӧрын улӥсь удмуртъёс сярысь иворъёс ватсаса тырмыт луоз.

«Удмурт дунне» газетлэн валтӥсь редакторез Зинаида Рябинина пусйиз, мукет улосвылъёсын улӥсь удмуртъёслэсь улонзэс шараян луонлык вань шуыса. Нимысьтыз тупанлык кылдытыса, Удмуртия сьӧрын улӥсь удмуртъёс асьсэ улонзы сярысь иворъёс «Удмурт дуннее» келяны быгатозы.

http://udmurt.media/udm/news/obshchestvo/25091/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий