Элькун тӧро йӧскалык политикая министрез юнматӥз

Вераны кулэ, та сярысь ивор Элькун тӧроен азьлогес сётэмын ни вал, нош указ кутэмын та нуналъёсы гинэ. Тодады вайытом, Лариса Буранова йӧскалык политикая министре 2014-тӥ арын юнматэмын.

Буранова Лариса Николаевна вордӥськиз Ижкарын 3-тӥ оштолэзе 1969-тӥ арын. 1991-тӥ арын Удмурт кун университетэз «История» ӧнеръя йылпумъяз, 1998-тӥ арын — Удмурт кун университетысь «Этнология, этнография, антропология» ӧнеръя аспирантураез, 1999-тӥ арын — Россиысь кун службая академиез «Государственное и муниципальное управление» ӧнеръя.

1991–1995 аръёсы — Алнаш ёросысь Асан школаын историяя дышетӥсь;

1995-тӥ арын — Ижкарысь 56 номеро школа-гимназиын педагог-организатор, кивалтӥсьлэн визьнодан ужъя воштӥсез;

1995–1999 аръёсы — Удмурт Элькун Кивалтэт бордын ужась Йӧскалык ужъёсъя комитетысь валтӥсь ӧнерчи;

1999–2001 аръёсы — Удмурт Элькунысь Йӧскалык политикая министерствоысь этнокультураез азинтон ёзэтлэн кивалтӥсез;

2001–2008 аръёсы — Удмурт Элькунысь йӧскалык политикая министрлэн воштӥсез;

2008–2014 аръёсы — Удмурт Элькунысь йӧскалык политикая министрлэн нырысетӥ воштӥсез:

2014-тӥ арын — Удмурт Элькунысь йӧскалык политикая министрлэсь ужзэ быдэсъясь;

2014–2017 аръёсы — Удмурт Элькунысь йӧскалык политикая министр;

2017-тӥ арын оштолэзь-коньывуон — Удмурт Элькунысь йӧскалык политикая министрлэсь ужзэ быдэсъясь.