Элькун «Герберын» 15 площадкаос ужалозы

Со «Усточикар» — кибашлыослэн карзы, «Шудон азбар» — нылпиослы шудон инты. «Кунокуа» — куноослы азбаръёс, «Батыр шудонъёс» — йӧскалык спорт амалъёсъя ӵошатсконъёс, «Андан валъёс»  — гурт техникаен выставка  но мукет.

Асьсэлэн площадказы луоз «Шунды» огазеяськонлэн, нимаське со «Шундэктон»  — егитъёслы эктон инты.

«Герберлэсь программазэ узырмытыны тыршом, — вера «Шундылэн» ёзчиез Мария Емельянова. — Трос удмурт кырӟасьёс пыриськозы: Анна Образцова, Богдан Анфиногенов, чортимы Павел Александровез. Со пыриськиз туэ пичи лыдъем калыкъёслэн Евровидениязы. Ӝытэз йылпумъялом бадӟым фаер-шоуэн».

Ужрадэ витё вань ёросъёсысь но каръёсысь, озьы ик мукет улосъёсысь делегациосты. Праздник кыстӥськоз 22 часозь.

http://www.myudm.ru/