Елена Миннигараевалэн «Сьӧд сюлык» книгаеныз тодматскон ӝыт ортчоз
Елена Миннигараевалэн «Сьӧд сюлык» книгаез потӥз кылем арын, бичетэ пыремын веросъёс, фентези, детектив. Писательлэн творчествоез пумысен малпанзэ вералозы литературоведъёс Вера Пантелеева, Любовь Фёдорова, Татьяна Душенкова.
Ужрадын чузъяськозы Елена Миннигараевалэн творчествоезъя кылдытэм крезьгуро композиция. Сое быдэстозы егит кырӟасьёс София но Ксения Хохряковаос, скрипкаен шудоз Ксения Касаткина. Со сяна, дасямын луоз Елена Васильевналэн творчествоезъя адӟытон.
Тодады вайытом, Елена Миннигараева али ужа «Удмурт дунне» газетын, редакторлэн воштӥсез лыса. Материалъёсаз лэчыт ужпумъёс ӝутъя, нуэ политика, удмуртлык темаосты, та дырлы вормылэмын уно конкурсъёсын. Литературае вамыш лэсьтӥз «Мумы» повестеныз, «Мон — улӥсько!» кылбур бичетэныз.