Эктонъя «Джечбур Батл» фестиваль ортчоз Удмуртиысь каръёсын

    Эктонъя «джечбур батл» фестиваль ортчоз удмуртиысь каръёсын 1

    Элькун тӧролэн но кивалтэтлэн администрацизылэн кивалтӥсез Сергей Смирнов верамъя элькун тӧрлыкъёс фестивальлы огъяросси, оло, нош калыккуспо но луыны юрттозы.

    «Ми та ужрадлы гинэ ӧвӧл, оглом ӵектослы дурбасьтыны пумкылъян кутӥмы. <…> Соин ик таӵе турниръёс Удмуртиысь ваньмаз вить каръёсын ортчозы, йылпумъян люкетэз вуоно арын тулыс Ижкарын ортчоз», — со вераз.

    «Джечбур Батл» Ижкарын куинетӥзэ ортче ни. Кызьы вераз ужрадэз одӥгез радъясь Алёна Скачкова, таяз арын Ижкаре Удмуртиысь, Татарстанысь, Башкириысь но Пермь шаерысь 150 пала эктӥсьёс лыктӥзы.

    «Ми удмурт аспӧртэмлыкмес пусйыны малпамы, соин ик сыӵе тунсыко ним сётӥмы, нош фестивальлэн учкетеэз — одӥген эктонъя вожвылъяськон, со мукет каръёсын ог выллем луэ, котькытын таӵегес амал кутӥське», — «Джечбур Батл» фестивалез радъясь Илья Банников пусйиз.

    Пыриськисьёс кӧня ке амалъёсын вожвылъяськизы: Hip-Hop Kids, Hip-Hopbeginners, Hip-Hop Profi, House — Kit-Kat. Вормисьёс дипломъёс но коньдонкузьымъёс басьтӥзы.

    Ватсалом, улосвыл тӧролэн студентъёсын пумиськонъёсыз дыръя Алёна но Илья Александр Бречаловез кичӧлтонзылы дурбасьтыны куризы. «Открытый диалог с главой Удмуртии» ӵектос улосын элькунлэн кивалтӥсез ньыляз вылӥ дышетсконниосы вуылӥз ни: Удмурт кун университетэ, Ижысь техникая кун университетэ, Ижысь кун эм академие но Глазкарысь педагогикая кун институтэ.

    Ивортодэтъя «Удмуртия» агентстволэн сайтысьыз басьтэмын: https://udmurt.media/udm/news/kultura-i-turizm/33282/