Екатеринбург улосвылысь  Верхняя Пышма карысь «Шудбур» клублы 10 ар тырме

Котырес дырпуссылы сӥзьыса, пӧсьтолэзе  Верхняя Пышма карын  шулдыръяськон-пумиськон ортчоз. Ӧтемын ни куноос, быръемын инты но пусъемын нунал. Ужрадзы ортчоз карзылэн шор парказ 16-тӥ  пӧсьтолэзе.

Удмурт культурая «Шудбур» клублы вань маин данъяськыны. Дас ар ӵоже ужамзылэн емышъёсыз адскымон. Ӵапак та клублэн ёзчиосызлэн калык азе потаменызы, Верхняя Пышма карын но со котырын улӥсьёс удмуртъёс сярысь умой тодо. Пналъёссы но нуныкайёссы удмурт кылэз, кырӟан-веранъёсты кылыса будо. Интыысь одӥгаз школаын удмурт класс но усьтэмын. Шутэтскон нуналъёсы ортчылӥсь урокъёсы  пиналэз но бадӟымез но вуылэ.

http://www.myudm.ru/