Эгра ёросысь Сеп гуртын италмаслы сӥзем праздник ортчоз

    Эгра ёросысь сеп гуртын италмаслы сӥзем праздник ортчоз 1

    Доразы кылбурчиосты, кырӟасьёсты, туспуктылӥсьёсты, суредасьёсты но вань мылкыд карисьёсты возьмало. Таӵе пумиськон радъямын «Бырем гуртъёслэн музейзы» ӵектос улсын.

    Вера Эгра ёросысь Сеп культура юртэн кивалтӥсь Татьяна Мосова: «Проектэнымы ми италмас сяськалы саклык висъяськом. Со котькуд гурт вӧзысь возь вылъёсын будэ. Тани бырем гуртъёсын но котькудаз вань ӵуж сяськаос. Тулыс усьтӥське, ӝужа со. Италмас шунытсэ, чеберзэ сётэ кадь. Со шоры учкыса, улэм но потэ – сокем со чебер».