Эгра но Балезино ёросъёсысь бесермянъёслэн пумиськонзы ортчоз 25-тӥ тулыспалэ
Солэн кылъёсызъя, нырысь ик, та ужрадэ Эгра ёросысь бесерманъёсты огазе люканы малпало, угось тазьы ваньзы ӵошен ӧз на пумиськылэ. Озьы ик Балезино ёросысь ог выжыоссэс ӧтёно кариськизы.
«Со милям творческой пумиськон сыӵе луоз Балезиноысь бесерманъёсын. Ӧтим ми Юнда черкогуртысь бесермянъёсты. <…> Собере малпасько на вераськыны Михаил Федотов сярысь – бесерманн кылбурчи. Со сыӵе тунсыко адями. Солэсь кырӟанъёссэ кырӟалом. Юндаос но маке дасяло, малпасько», — шуэ пумиськонэз радъясь, «Раздолье» калык ансамбльлэн хормейстерез Лия Лекомцева.
Пусйыны кулэ, пумиськонэ элькунысь бесерман калыклэн огазеяськонэзлэн кивалтӥсез Сергей Антуганов но ӧтемын. Со люкаськемъёсты Удмуртиысь бесерманъёслэн улэм-вылэменызы, та нуналлы ужъёсынызы тодматоз.