Егитъёсты ӧтё «Ясна музыка» этнофестивале пыриськыны
1-тӥ-2-тӥ куартолэзе Чувашиын нырысьсэ ортчоз егитъёслэн «Ясна музыка» этнофестивальзы.
Проект улонэ пыӵа Президентлэн лулчебертлы сӥзем кичӧлтонъёсъя фондэзлэн юрттэменыз.
Фестиваль огазеялоз Приволжск федерал округысь анай кылынызы кырӟась, калыксылэсь лулчеберетсэс туала сямен азинтӥсь, калык инструментъёсын шудӥсь егит кырӟасьёсты но крезьгуро группаосты.
Ужрадэ пыриськыны мылкыд карисьёслэсь куриськонъёссэс 10-тӥ толшорозь возьмалозы yasnamusic.ru сайтын.
Бӧрысь жюриос пӧлысьтызы 10 устозэ быръёзы, ӵапак соос куартолэзе Чебоксары вӧзысь «Ясна» этнокоплекслэн сцена вылаз асьсэдыз возьматозы, ог-огенызы ӵошатскозы. Вормисьёслы крезьгуро клипъёс лэсьтэмын луозы.
Со сяна проект улсын вашкала калык инструментъёслэн туала улонзылы сӥзем документальной кино поттозы.