Егитъёслэн «Шунды» мерлыко огазеяськонзы «Вуюись» семинар радъялоз

7-тӥ оштолэзе удмурт егитъёслэн «Шунды» мерлыко огазеяськонзы «Вуюись» семинар ортчытоз. Ужрадлэн валтӥсь мугъёсыз – ёросъёсын улӥсь егитъёслэсь мерлыко ужзэс пуромытон, быгатонлыкъёссэс возьматыны луонлык кылдытон, егитъёслы ог-огенызы вераськыны-кенешыны но дышетскыны выль площадка кылдытон.

2016-тӥ ар понна семинар радъяське кыкетӥзэ. Татчы люкаськозы ёросъёсысь ёзэтъёслэн кивалтӥсьёссы но ёзчиоссы. Кылемаз пумиськонэ азьветлӥсьёс бренд кылдытон сярысь вераськизы.

Нош ӵуказе егитъёсын пумиськонэ ӧтемын «Удмурт Кенеш» ассоциацилэн кивалтӥсез Татьяна Витальевна Ишматова.

Со вералоз «Удмурт Кенешлэн» егитъёсын ужамез сярысь. Со сяна «Республиканский центр развития молодёжного и детского движения» ужъюртысь егитъёсын ужанъя ӧнерчи Анастасия Бекмачева вералоз мерлыко ужъёсын РR технологиосты кутон сярысь.

Вуоноез семинар чакламын коньывуон толэзе.

Поделитесь с друзьями:

Вебмастер, SEO специалист, специалист по созданию видео, харпер. Тотемное животное - медоед. Любимый файлообменник - скайп.

Дом Дружбы народов
Добавить комментарий