Егитъёслэн дышетонъя Йӧскалыккуспо центрзылэн Улосвылкуспо дышетскон сессизы ортчоз

Нырысетӥез сыӵе ужрад чакламын мерлыко огазеяськонъёслэсь азьветлисьёссэс огазеян понна. Дышетсконэ лыктозы Чувашиысь, Марий Элысь, Мордовиысь, Коми Элькунысь, Башкортостанысь, Татарстанысь, озьы ик Пермь шаерысь, Киров, Свердловск улосъёсысь йӧскалык но лулчеберетъя огазеяськонъёслэн ёзчиоссы.

«Туннэ мерлыко огазеяськонъёс уноез ас куспазы, асьсэ калыксы понна гинэ ужало, — шуиз Удмуртиысь йӧскалык политикая Министр Лариса Буранова. — Кулэ соосты огазеяны. Мон малпасько, егитъёс мед быгатозы ӵош ужаны. Сессилэн программаяз пыртэмын лекциос, тренингъёс. Москваысь лыктэм экспертъёс пӧртэм ужпумъёсъя визь-кенеш сётозы: кызьы проектъёс кылдытоно, кызьы фандрайзинг ортчытоно, кызьы иворез вӧлмытонъя сӧзнэтын ужано».