Егитъёс но быдэ вуымтэос понна удмурт лулчеберетъя мастер-классъёс ортчытъяло Эгра ёросын
Со улсын быдэ вуымтэ пиналъёслы но егитъёслы удмурт эктонъя, йӧскалык дӥсья но крезьгуро инструментъёсъя мастер-классъёс ортчытъяло. Со сярысь Удмуртиысь Калыкъёслэн эшъяськон юртсылэн пресс-службаез ивортэ.
Туннэ нуналлы ӵектосэ 60 адями пыриськиз ини, соос понна 13 мастер-классъёс ортчытӥзы. Егитъёслы семьязылэн сямъёсыз но йылолъёсыз сярысь эскерон уж лэсьтыны ӵектӥзы. Бӧрысь соосты эскерон ужъёсъя «Мынам выжые» конкурсын возьматозы.
Ӵектослы йылпумъян удмурт эктонъя «Ӵош эктон» усьтэм ёрос конкурс луоз. Со Эгра ёросысь эшъяськон юртын 21-тӥ толсуре ортчоз.