Егит азьветлӥсьёслэн «Вамыш» дышетон сменазы ужалоз

2-тӥысен 6-тӥ толшоре «Дзержинец» лагерьын элькунысь егит азьветлӥсьёслэн «Вамыш» дышетон сменазы ужалоз.

Занятиос 3 ӧръёсъя мынозы:

— мерлыко проектирование

— SMM но PR-технологиос

— дизайн

Озьы ик  егитъёслы психологен занятиос чакламын. Отын тодматозы психологи шудонъёсын, сюлмаськытӥсь югдурысь потыны юрттӥсь упражнениосын, адямилы азинскыны юрттӥсь рольёсъя шудонъёсын, астэ  возьматыны дышетӥсь тренингъёсын, озьы ик дышетозы трос калык азьын вераськыны.

Шутэтскон программае пыртэмын егит азьветлӥсьёсын пумиськон, спортъя, шудонъёс, чошатсконъёс.