«Дырвырӟон: удмурт егитъёслэн быдэ вуон йылолъёссы 1993/2017» адӟытон усьтӥськиз Ижкарын

Адӟытонэз усьтонэ туж трос калык люкаськиз:  кивалтӥсьёс, тодосчиос, бигер шаерысь, Эстониысь вуэм куноос.

Адӟытонын – бигер шаерысь Огырчи ёросысь Варклед-Бӧдья гуртысь туспуктэмъёс. Соос 24 ар вис карыса пуктэмын.  Нош пуштросазы одӥг йылол – эру карон, куриськон – быдэ вуонэз пусъён.

Шумпотымон, сяме пыӵам йылолэз гуртын туэ но ортчытӥзы. Азьвыл сямен ик 14-15 аресъем пиослэсь быдэ вуонзэс пумитаны, пусйыны покчи арняе люкаськылӥзы, нош нылъёслэсь – арня нуналэ.

«Соос ветлӥзы коркась корка, бичазы 2-3 курегпуз, кеньыр, вӧй но сӥль, – шуэ Варклед-Бӧдья гуртысь вӧсясь Никонор Алексеев. – Собере егит пиос, воргоронъёслэн чакламзы улсын, нимысьтыз интыын ӝук пӧзьтӥзы. Пӧзьтэм ӝукез вӧсяса дэмен сиим. Пиослэн эру кароназы нылъёс луыны кулэ ӧвӧл, озьы ик нылъёслэназ – пиос, вӧсясьёс сяна».

Та сям Варклед-Бӧдья гуртын гинэ ортчытӥське.  Шаерамы улӥсь удмуртъёслэн сыӵе йылолзы ӧвӧл.

«Сыӵе традициосын Европа кунъёсын туж тунсыкъясько, уго асьсэлэн нокыӵе сямъёссы утемын ӧвӧл, – шуэ, адӟытонэз радъясь, Эстон калык музейысь тодосчи Светлана Карм. – Туж шумпотыса юаллясько – кытын, кин улэ. Со экспозицимы милям туж чебер, туж трос данъетъёс басьтӥз ини. Удмуртъёс сярысь туэ тросэз тодо ини.

Удмуртия – 2-тӥез кун, кытчы вуиз адӟытон. Татысь со вырӟоз Венгрие, собере Францие.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий