«Дыдык апай дорын куноын»

Клублэн кичолтӥсез — Митрянова Любовь Алексеевна. Таяз дышетскон арысен со кутскиз Кияса школаын удмурт фольклоръя кружок нуыны.

Нырысети клублэн куноосыз луизы удмурт кружокъёсы ветлись Киясаысь 2-ти номеро нылпи садысь пиналъёс, Кияса школаысь 3-тӥ, 5-тӥ но 7-тӥ классъёсын дышетскисьёс.

Дыдык апай пумитаз лыктэмъёсты но куноосты удмурт сямъя — вӧйын нянен. Куноос нош удмурт но ӟуч кылын кылбуръёс лыдӟизы, кырӟазы, Вумуртэн но Лӧпшо Педунен тодматскизы, мадиськонъёсты сэрттӥзы — пертчизы, эктӥзы, удмурт шудонъёсын шудӥзы, корка утись удмурт мунёез лэсьтонъя пӧртэм амалъёсын тодматскизы.

Люкаськемъёс шумпотыса учкизы но кылзӥзы ӟучомем нылпиослэсь удмурт кылын вераськемзэс, тужгес но нылпи садысь пиналъёслэсь, 7-тӥ классын дышетскись нылъёслэсь «Лымы тӧдьы» кырӟанэз быдэстэмзэс.

Радъясьёс тау шуо кружокъёсты нуисьёслы: З.П. Коконовалы, Л.И. Анисимовалы, Л.Б. Уткиналы, Л.Н. Королёвалы, Ю.Л. Митряновлы, Л.А. Митряновалы. Озьы ик клубын ужасьёслы Е.Самсоновалы, Л. Семёновалы, И. Аверкиналы, Киужъёсъя юртысь кибашлылы Шамшуриналы. Вераны кулэ, Кияса школаысь администрация клублэсь ужзэ азьланьтыны юрттэ (директорез О.Г. Пухарева, воштӥсез Шадрина О.И.)

Туспуктэмъёс татын: https://vk.com/album-109391291_249679811