Дэри ёросын гужем «Окно в небо» фестиваль ортчоз

Фестиваль улсын кӧня ке площадкаос ужалозы. «Зеленин лыдӟонъёс» огазеялозы егит гожъяськисьёсты. «Театральнояз» возьмало выжыкылъёсты пуктӥсь любительской театръёсыз. Фольклор коллективъёс люкаськозы «Калык шыкысэз утиськом» площадкае.

«Выжыкылъёс. Мифъёс. Легендаос» чакламын историкъёс, шаерчиос, дышетӥсьёс, музейын ужасьёс, тодосчиос понна. 15 чеберайёсты огазеялоз чеберлыкъя «Красавица в стиле ЭТНО» вожвылъяськон.

Сое радъясьёс Удмуртиысь, Башкириысь, Татарстанысь, Карелиысь, Комиысь но трос мукет улосъёсысь но кунгож сьӧрысь 52 нылъёслэсь куриськонъёссэс бастьӥзы, но конкурслэн финалаз соос пӧлысь 15-ез тужгес чеберъёсыз но устоосыз гинэ ӧтемын луозы.

Нимаз ужалозы егит журналистъёс но блогеръёс, соос ивортозы фестивальлэн мынэмез сярысь.
Ужрад сярысь пыр-почгес тодыны луоз okno-v-nebo.su вотэс бамысь.

Удмурт Дунне