Дэри ёросын азинтӥське удмурт кыллы но культуралы сӥзем толэзь

Татын 6-тӥзэ ини 3-11 классъёсын дышетскись пиналъёс пӧлын ортчиз «Шундыкуара» вожвылъяськон, туэ та ужрадэ пыриськизы ёросысь 9 школаосысь пиналъёс.

Нылпиос шумпоттӥзы жингрес куараосынызы, сцена вылын асьсэды ӟеч воземенызы, тыршеменызы.

Арысь аре та ужез радъя Наталья Казакова, «Шунды» огазеяськонлэн ёрос ёзэтэныз кивалтӥсь. Юртто солы кенешчиос, дышетӥсьёс.

Жюрилэн йылпумъянъёсызъя, тужгес адӟем карымонэсь Дэри, Шор Постол, Подшивал, Якшур школаосысь пиналъёс, соос вормисьёсы потӥзы но пусъемын вал кузьымъёсын.