Депутатэн пумиськон

Та пумиськон Алексей Загребин депутат луэм дырысен нырысетӥез луэ. Туж пӧртэм пуштросо вераськон пӧрмиз туннэ Ижкарлэн вылтусыз ласянь, шоркарлы удмурт шӧм пыртон пумысен. Люкаськемъёс ӵектизы азьвыл ӟуч театрлэн юртаз «Удмурт корка» кылдытыны.
 
Трос вераськонъёс вал огъя быдэс кун сознэтъёс пумысен но. Нимысьтыз пуйемын — калыкъёслэсь асваланзэс утён, дышетон, лулчеберет.
Удмурт калыкен герӟаськем котькуд юанын — федерал инлыкъем-а со, улосвыл яке муниципал — валэктон но ужпумез быдэстон вылысь луонлыкъёс вань. Кивалтисьёсын огкыл шедьтэмын, табере интыосысь азьветлӥсьёсын рос-прос ужано.
 
Удмурт калык быръем депутатэныз ӵемысь пумиськылоз, уго, валче ужан ӧръёс ӧжыт ӧвӧл.
 
Депутат но «кенешчиос» огкылэ вуизы — Росси федерациын Удмуртилэсь оскетъёссэ утись Алексей Загребин — дышетон, тодос, лулчеберет ӧръёсты азинтон сяна, удмурт кыллы но нимысьтыз саклык висъяны кулэ.