«Дэлет» ансамбль вормонэн бертэ «Голоса традиций» фестивальысь

Дэри ёросысь Подшивал гуртысь «Дэлет» ансамбль фестивальысь бадӟым вормонъёсын бертэ. Асьме артистъёс нырысетӥ но кыкетӥ степенё лауреат дипломъёс басьтӥзы.

Нырысети степенё дипломен пусйнмын Матвеева Ольга Васильевна “Народное декоративно-прикладное творчество” номинациын.

Кыкети степенё диплом басьтӥз Орехов Геннадий Вячеславович “Исполнитель авторской песни» номинациын.

Подшивалъёс турын дасян, выль кен пылатон сям-йылолъёсты возьматӥзы,  киужъёсынызы тодматӥзы. Сьӧразы нуизы сандык, кык чемодан дӥськут, мажесъёс. Быгатонлыкъёссы шоры жюрилэн ёзчиосыз но, мукет улосъёсысь вуэмъёс но синмаськыса учкизы.

«Вуимы отчы но туж шуныт, эшлыко мылкыдын пумитазы. Милям кышкан-куалекъянмы соку ик быриз. Эктӥм, кырӟам, ох, милдемыз учко. Вань сюресэз удмурт дэремен ветлӥм, весьёсын. Удмуртлыкмес туж умой возьматӥм», – шуэ «Дэлет» ансамблен кивалтӥсь Нина Петрова

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий