Дэбес ёросын «Шудо анай» конкурс ортчоз

Фестиваль туэ 2-тӥзэ радъяськоз. Кылем арын 2 площадкаос вал. Одӥгаз семья династиос юри вожвылъяськонлы шуыса мунёос лэсьтӥзы, соосты вашкала дӥськутэн дӥсязы, кыӵе инты висъяське семьяын мунёлы – со сярысь веразы. Мукетаз нош 7 династиос мильым пыжизы.

«Туэ но 2 площадка луоз, – шуэ фестивалез одӥгез радъясь, Зетым культура юртысь ӧнерчи Лариса Тронина. – Нырысь ик со семьяос куспын эстафета ортчоз. Отчы пыриськозы анай, атай но нылпи. Кыкетӥ площадкаын сётэм материалъёслэсь мунё лэсьтозы. Со «Шудо анай» нимаськоз. Возьматозы вашкала анай дӥськутэз».

Фестивалез радъясьёслэн малпамзыя, ужрад тужгес но тунсыко пиналъёслы, малы ке шуоно соос уг ни тодо, мар со вашкала мунё.

«Нош мунё адямилэн вордскем дырысеныз артэ вал. Сое анайёс нылпизы вордӥськем бере ик утись шуыса лэсьто вал. Собере азьло мунё нянька интыын но вал. Анай кошкыкуз нылпиез борды мунё поныса кельтэ вылэм», – шуэ Лариса Тронина.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий