Дэбес ёросын калыкъёслэн лулчеберетэнэзы тодматскон экспедиция кутскиз

Тямыс толэзь куспын йӧскалык мер огазеяськонъёслэн ёзчиосыз тямыс пӧртэм йӧслыко семьяосы куное ветлозы но соослэсь сям-йылолъёссэс гожъялозы, вераз «Мир» центрысь калык лулчеберетъя ӧнерчи Галина Опарина.

«Одӥгез ужпумез — люкано, калыке вӧлмытоно калык сям-йылолъёсты. Калыкез кызьы ке но огазеяны шуыса, ми тямыс семьяе поталом. Тямыс семьяе потаса, ми гожъялом, туспуктом, видео гожтом, быдэс ивортодэтэз люкалом яркыт сям-йылолъёссы сярысь», – шуиз Галина Опарина.

Солэн кылъёсызъя, экспедиция нырысетӥ семья доры вуылӥз ни, отын картэз — удмурт, нош кышноез — украинка. Кузёос украин куно пумитан сямъёсын тодматӥзы.

«Украин семья возьматӥз, кызьы соос пумитало калыкез, кызьы ӝӧк вӧлдо, кыӵе отын сиёнъёссы-юонъёссы, ма каре кузё со дыръя», — вераз Галина Опарина.

Азьланяз радъясьёс удмурт, бигер, азербайджан, армян, ӟуч, молдаван но бесерман семьяосы вуылыны малпало. Нош сӥзьыл экспедициез «Тугоко — эшъёслы кузьым» концерт йылпумъялоз.

Экспедициын люкам материалъёс йӧскалык лулчеберетъёсъя «Мир» юртаз ужасьёслы пӧртэм ужрадъёсты ортчытъяны юрттэт луозы, лыдъя Галина Опарина.

«Ми сое люкаськом асьмелэсь ужмес капчигес карыны. Пӧртэм ужрадъёс малпаськом ке Дэбесын ортчытыны, йӧскалык лулчеберетъя огазеяськонъёсты отчы маин ке но пыртыны, соосты герӟаны со ужрадэн мед быгатомы шуыса», — пусйиз ӧнерчи.

https://udmurt.media/udm/news/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий