Дэбес нош ик «Зарни-ё перепеч, табань но пельнянь» нимо фестивальлы дасяське

2016-тӥ арысен радъяськись ужрад сӥземын удмурт пӧраськемъёслы. Отын кутозы пельнянь, перепеч, пыжозы табань. Кулинаръёслэн площадкаоссы сяна фестивальын ужалозы вузкарон лавкаос, отчы асьсэлэсь ваньбурзэс  поттозы ёросъёсысь фермеръёс. Пӧраськонъя трос пумо вожвылъяськонъёс луозы, кылсярысь, удмурт сиён-юон дасясьёс куспын.

Визьзэс сынаны яратӥсьёслы Дэбесысь  культурая но туризмъя «Сибыр сюрес» центр дася Удмуртилэн историезъя но географиезъя квест, отчы пыриськисьёслэсь ик удмурт сиён-юонъёсты тодонлыксэс эскерон радъямын луоз.

Фестивальез йылпумъялоз фольклор коллективъёслэн но удмурт эстрада кырӟасьёслэн концертсы. Ужрад  6 аресысен муртъёслы чакламын.

http://www.myudm.ru/