«Данъяськисько, мон пор шуыса» фотоконкурсын Удмуртиысь нылмурт вормиз
Вожвылъяськонэ Марий Элысь но мукет улосвылъёсысь поръёс пыриськизы. Соос поръёслэсь йӧскалык лулчеберетсэс возьматӥсь туспуктэмъёсты келязы. Нош тужгес устоен Удмуртиысь пор нылкышнолэн ужез пусъемын.
«Тросэз туспуктэмъёс вормыны быгато вал, но жюрилэн ёзчиосыз огкылысь та ужез бырйизы», — вера конкурсэз радъясь комитетлэн кивалтӥсез Николай Любимов.
Ватсалом, «Данъяськисько, мон пор» шуыса фотоконкурс туэ ньылетӥзэ ортчиз. Солэн ужпумез – Россиын улӥсь поръёслэсь лулчеберетъя но историяя йылолъёссэс вӧлмытон.