Ческыт ӝук сиизы но удмурт калыкен яратоно турын-будосъёсын тодматскизы

    Ческыт ӝук сиизы но удмурт калыкен яратоно турын-будосъёсын тодматскизы 1

    Туэ шулдыръяськонэ палэнысь лыктэм куноос но вуизы.  Ӧтемъёс пӧлын Дэри ёросысь Октябрьский каргуртысь нылпи садысь покчиос. Соос нырысьсэ удмурт ужрадын. Каргуртсы али пуктӥське. Отчы тросэн пӧртэм ёросъёсысь семьяос вуо. Уноез соос пӧлысь — удмуртъёс. Солы луыса ик миым садазы удмурт кылэз дышетыны басьтӥськизы.

    Туэ ортчем Пичи Гербере трос выльзэ пыртӥзы. Со нырысьсэ быдэсак удмурт кылын ортчиз. Нош сӥземын вал удмурт калыкен яратоно турын-будосъёслы.

    «Кизён ужъёсты быдтонлы сӥземын та праздникмы, — шуэ гимназиысь крезьгуръя кивалтӥсь Ольга Широбокова. — Пиналъёс мед данъялозы музъемез, инкуазез, музъем-мумыез, шунды-мумыез. Мед валалозы,  удмуртъёс котьку но инкуазен ӵош, сое данъяса улӥзы шуыса».

    Пиналъёс бадьпу вайёслэсь чыртывесъёс лэсьтыны дышетскизы, возь выл сяськаослэсь куиськизы. Пӧрмытӥзы чебер но ческыт зыно ӵушкон. Выль эктонъёс но кырӟанъёс дышетӥзы. Шудон-серектэм беразы пиналъёс ческыт ӝукен сюмам котъёссэс тыризы.

    http://www.myudm.ru/