Челябинскын «Русь мастеров» вожвылъяськон ортчоз
Туннэ понна кибашлы нылкышно ас удысаз быдэс шаерамы тужгес но устоез лыдъяське. Куиськон станок сьӧрын со 21-тӥ арзэ. Туннэ шумпотыса лыктэ уж дураз – Якшур-Бӧдья ёросысь кибашлыослэн юртазы. Нош кутскыкуз ай вал сюлмаськонъес. Вера Екатерина Виноградова:
«Ог 15-20 ар талэсь азьло мон доры куиськыны лыктыны мылкыд карисьёс ӧй вал. Секыт шуо вал. Дыр ортчиз. Табере дышетэм адямиосы асьсэос гуртазы куисько ни».
Улон аслэсьтыз куронъёссэ пуктэ. Туннэ вашкала, йӧскалык арбериос дуно. Соосты выльдыса быдэстӥсьес туж сӥлы карымон луизы. Екатерина Виноградова пӧртэм Росси вожвылъяськонъёсы пыриськылэ, тросаз вормись луэ.
Кибашлылэн ужъёсыз аспӧртэм луо. Соос векчи пужыосын куэмын. Ӵемысь Якшур-Бӧдья буёлъёсын – тӧдьы вылын горд легезьпу сяськос, кизилиос.