«Чеберай» марафон Дэбес ёросэ вуоз

Ужрадлэн валтӥсь ужпумез — кышномуртлэн чеберлыкез пыр удмурт йӧскалык лулчеберетэз но киужез вӧлмытон; удмурт нылкышноослэсь гуртъёсын улонзэс творчество но ужбергатон пыр ӟечлыкогес карон; тужгес устолыко удмурт нылашъёсты но кышномуртъёсты шараян, быгатонлыкъёссэс калыке поттон но азинтон.

Пумиськон улсын пӧртэм тунсыко ӧнерчиосын кенешон радъяськоз:
13 часысен ужзэ мытоз «Женское творчество. Бизнес и блогерство. Стиль» тренинг. Дышетскон кыстӥськоз 18 часозь.

13 час 15 минутысен— час ӵоже — “От хобби до бизнеса” нимо тренинг. «Креативной капитал» движенилэн азьветлӥсез Александр Михайлов люкаськемъёсты бизнес удысэн тодматоз.

14 час 15 минутысен — кык час ӵоже — “Самореализация в сети” нимо тренинг. Блогер Ольга Бикузина интернет пыр азинскыны луонлыкъёсты шараялоз.
15 час 15 минутысен— час ӵоже — “Зажги своё солнце” нимо тренинг. Астролог Анна Титова нылкышноосын ӵош натальной карта (быдэс улонлы чаклам гороскоп) кылдытозы. Со вералоз, кыӵе ужен соизлы я таизлы нылкышнолы выроно, кыӵе быгатонлыкъёсыз солэн пушказ ватӥсько.
18 часын “ЧЕБЕРАЙ 2020” вожвылъяськонэ кастинг ортчытыны чакламын (билетлэн дуныз 100 манет).
19 часысен Лади Свети кырӟасьлэн концертэз кутскоз

туспуктэмъёс — vk.com/cheberaj_marafon

ивортон дасямын cheberai.ru сайтъя