«Чебеляй», «Сазлабу» но «Каякас» ансамбльёс «Мост» проектэ пырискозы

«Мост» ӵектос улсын пӧртэм кунъёсысь эктӥсьёс дэмен быдэсто ог-огзылэсь эктонъёссэс. Сыӵе бадӟым концерт ортчоз Иж тымет дурын 24-тӥ инвожое.

Нош туннэ “Чебеляй”, “Сазлабу” но “Каякас” ансамбльёсысь егитъёс быдэс нунал ог-огзылэсь калык эктонъёссэс дышетӥзы.

15-тӥез «Мост» проект «Воршуд» фестиваль улсын радъяськоз. Вераны кулэ, «Мост» проектэз кылдытӥзы Ижкарысь «Чебеляй» студилэн кивалтӥсез Наталья Чиркова но Эстониысь Пярну карысь «Каякас» ансамбльлэн кивалтӥсез Рита Мяндла. Нырысетӥ 2 арзэ фестиваль элькунамы ортчылӥз. Собере со выжиз Эстоние. Нош туэ, Президент фондысь грант утэмен, «Мост» фестиваль Ижкарын радъяське.

«Ми азьын валтӥсь ужпум – эктон пыр эшъяськытыны пӧртэм калыкъёсты, – шуэ «Чебеляй» студилэн кивалтӥсез Наталья Чиркова. – Мон понна калык эктон – со улэп маке, солэн вань сямыз, кыӵе ке мылкыдыз. Куке пӧртэм кунъёсысь егитъёс быдэсто ог-огзылэсь эктонъёссэс, со туж чебер!»

Мадьяр шаерысь “Сазлабу” ансамбльын удмурт кылын вераськись Дёнди Деметер. Нылаш эктонъёсын пичи дырысеныз тунсыкъяське.

«Мадьяр эктонъёс туж шугесь, – шуэ Дёнди, – нош эстон но удмурт соос вӧзын поръян выллем гинэ йӧто, соин эктонъёсты дышетыны милемлы капчи луоз».

http://www.myudm.ru/

 

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий