Чайковский карын удмурт лулчеберетлы сӥзем ӝыт ортчиз

Чайковский карысь  «Зарни сӥзьыл» ансамбль президент фондысь грант утӥз. 360 сюрс манетсэс  быдэс ар пӧртэм ужрадъёс ортчытыны тырмытӥзы.

«Нылпиосыз ми пужъятӥськыны, табань пыжыны ми дышетӥм, озьы ик пиналъёс куспын вожвылъяськон ортчытӥм суредаськонъя. Соос возьматыны кулэ вал, кызьы адӟо удмурт лулчеберетэз», — вера «Зарни сӥзьыл» ансамбльлэн кивалтӥсез Людмила Филиппова.

Но «Зарни сӥзьылысь» арлыдоос висъясько сям-йылолъёсты сцена вылэ поттэмензы, трос калыклы адӟымон луэменызы но — со ик луиз «Семейные традиции» нимам ӝытын но валтӥсез.

Грант улсын ансамбль пиналъёсты сюан йылолэн тодматӥз. Тодматэм сяна, нылпиос но возьматонэ пыриськизы.

«Нылпиос пӧлысь ми басьтӥськом пиез но нылэз выль кенэн эмеспи шуыса, до того «мон луо, мон луо» шуыса кизэс ӝуто. Соослы туж тунсыко потӥзы удмурт сюан ортчытон йылолъёсмы», — шуэ Людмила Филиппова.

Чайковский карын радъям ӝыт ӟеч мылкыд кузьмаз. Учкисьёс асьсэлэсь артистъёссэс но, палэнысь вуэмъёсты — Удмуртиысь, Башкириысь коллективъёсты — туж шуныт пумитазы.

http://www.myudm.ru/