Cанкт-Петербургын радъяськоз Удмуртилы сӥзем арня

Элькунысьтымы Экономикая министерство ивортэмъя, 36 квадрат метр быдӟа стенд вылын возьматэмын луозы шаермылэн улэм-вылэмез но вормонъёсыз, предприятиосамы потӥсь продукция, шутэтскон интыос но трос мукет. Адӟытон кыстӥськоз 3-тӥ июнёзь.

Удмурт Элькунлэн Тӧроез Александр Соловьев кивалтэм улсын Санкт-Петербурге вуылоз Удмуртилэн делегациез но. Соосты пумиталоз уйпал шоркарлэн губернаторез Георгий Полтавченко. Асьме делегациен пумиськылозы Ленинград улосысь пӧртэм предприятиослэн кивалтӥсьёссы. Ортчозы вуз каронлы, туризмез азинтонлы, экономикаез ӝутонлы сӥзем уно кенешонъёс, котрес ӝӧкъёс – ивортэ «Удмурт дунне» газет

Удмуртия но Санкт-Петербург куспын юнматэмын луоз пӧртэм удысъёсъя кусып возёнъя огкыл.