Бырйемын «Мисс Эктоника»

Туэ «Мисс Эктоникалэн» нырысетӥ люкетэз ик пӧсь кутскиз. Ужрадэ пыриськыны мылкыд карись нылашъёс 40 кузя люкаськизы. Со кылем арлэсь кык поллы тросгес. Жюри пӧлысьтызы быръено луиз витьзэ.

Чебер апайёс сцена вылын асьсэды возьыны быгатэмзэс, веськрес мугорзэс возьматӥзы. Нош ужрад удмуртлыкен герӟаськемын бере, соос пӧраськеменызы но ушъяськоно луизы. Перепечьёссэс вылӥ дунъязы, котькудӥзлэн аспӧртэм но ческыт вал. Но корона — одӥг. Сётӥзы сое Кияса ёросысь Алёна Леонтьевалы. Нылаш Ижкарысь лулчеберетъя колледжын дышетске.

«Туж кышкаса сцена вылэ потӥ, — шуэ Алена. – Сомында учкись азьын мон нырысьсэ. Мон понна «висизы» эшъёсы, ӵош дышетсконо эшъёсы. Туж бадӟым тау соослы».