«Быг-быг» фестиваль нош ик элькунысь «Событийной дырпусэ» пыртэмын

Вуоно арын фестиваль пӧсьтолэзьлэн кутсконаз ортчоз. Фестивале арысь аре куноос тросгес но тросгес лыкто. Туэ соос 5 сюрслэсь ятыр вал, Удмуртиысь но Россиысь гинэ ӧвӧл, кунгож сьӧрысь но вуизы.

Тодосчи Ева Тулуз пусъе: «Быг-быг фестиваль дуно соин, мукет финн-угор калыкъёслэн сиён-юнзылы сӥзем бадӟым ужрадъёссы ӧвӧл. Кухня – лулчеберетлэн туж кулэ люкетэз. Солэсь кылзэ вань выжы калыкъёс валало».

Пусйымон мукетыз но. «Быг-быг» – сиён юонлы гинэ сӥзем фестиваль ӧвӧл, со – кырӟан-эктонъя конкурсъёс, вокально-инструментальной ансамбльёс, крузьгуръя коллективъёс вискын вожвылъяськонъёс. Фестиваль нырысь ортчемез бӧрсьы ик адямиосты герӟась ужрадлы пӧрмиз, – пусъё быгиос.

«Со ӵош каре адямиосты, со герӟа кусыпъёсты. Таӵе фестивальёсын пумиськиськод, тодматскиськод но, со герӟетъёс пыраклы кылё. Со куноосын, кудъёсыз ветлӥзы ми доры та 5 ар куспын, ми али герӟет возиськомы», – вера Шаркан ёросысь удмурт лулчеберетъя «Быгы» центрен кивалтӥсь Жанна Ермолаева.

Маин паймытозы быгиос выляз – куатетӥяз фестивалязы – али малпасько на. Нош куноос эшшо но тросгес луозы, малы ке шуоно «Быг-быг» фестиваль выльысь элькунысь «Событийной дырпусэ» пыртэмын.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий